“म्हणून
आयुष्य मला खूप आवडत....”
प्रत्येक वाढदिवसाला
माझं आयुष्य एका उंच ऊंच
टेकडीवर पोचतं
वरून,मी आले तोच रस्ता
मला साफ साफ दाखवतं....
पार केलेली वळण
चुकवलेले खड्डे
न दिसल्याने अडखळले
ते गतिरोधक
कडेची वृक्षराजी
चहूकडच आकाश
त्यातले अप्रतिम रंग
उडणारे पक्षी हिरवीगार शेत
उदास बंजर कुरण
दुःखी बायाबापड्या
उपाशी पोर
सारं सारं नजरेला पडतं
त्यांना आनंदात ठेवण्याचं
स्वप्न
माझं मन पहात
म्हणून आयुष्य मला खूप
आवडतं.
भेटलेली माणसं,कुटुंबी
प्रियजन
त्यांच हसणं,त्यांच्या लकबी
त्यांच्यातला
गुडनेस,प्रामाणिकपणा
अन् ‘लगे रहो’ च्या ताकदीवर
जीव ओवाळून टाकावासा वाटतो
करीना ची zero figure
पाहून जिम मध्ये जावं
धरतीचा भार जरा उतरवून
पहावं
असं मनापासून वाटत.....
तरी सुंदर पदार्थांना न्याय
द्यायला मन भरीला पाडत
म्हणून आयुष्य मला खूप
आवडत..
कुणाकुणाच्या डोळ्यातली
वेदना आसू अन हासू
त्यांची विचारधारा
त्यांच्याआधीच कळते
त्यांच्या शब्दांना दाद
म्हणूनच लगेच देता येते.
नको तेवा चुका करवत
अद्दल घडवून अक्कल शिकवतं
म्हणून आयुष्य मला खूप आवडत....
आयुष्य माझा गुरू
माझा सखा माझा सांगाती
त्याच्यावाचून मी म्हणजे
माती
मातीतून सौंदर्यवान घडा सतत
घडवत
म्हणून तर आयुष्य मला खूप
आवडत....
या आयुष्याने माझ्याकडून
खूप खूप घेतलंय
आणि खूप सारं दिलंय
कशाची किंमत नाही करत
अनमोल माणसं
रहात भेटवत
येता जाता लबाड्या
रहात दाखवत....
त्या समजू दे पण उचलू नको
असं आपलं मज्जेत
सांगत रहात.....
म्हणून तर आयुष्य मला खूप
आवडतं.....
